Yangiliklar
Yangiliklar
2024-12-03
Xabar berganimizdek, poytaxtimizda Kambag‘allikni qisqartirish va bandlik vazirligi tomonidan 3-dekabr – Xalqaro nogironlar kuni munosabati bilan bayram tadbiri hamda “Eng yaxshi ish beruvchi” tanlovi g‘oliblarini taqdirlash marosimi bo‘lib o‘tdi.
Tadbirda O‘zbekiston Nogironlar jamiyati, O‘zbekiston Karlar jamiyati, O‘zbekiston Ko‘zi ojizlar jamiyati, O‘zbekiston Nogironlar assotsiatsiyasi vakillari hamda nogironligi bo‘lgan shaxslarning bandligini ta'minlagan korxonalar ishtirok etdi.
Imkoniyati cheklangan shaxslarning bandligiga ko‘maklashib, ularni ishga joylashtirgan korxonalarni qo‘llab-quvvatlash maqsadida bu yil uchinchi bor o‘tkazilayotgan “Eng yaxshi ish beruvchi” tanlovida 20 dan ortiq korxonalar qatnashdi.
🔹Tanlov natijalariga ko‘ra:
👉1-o‘rin — O‘zbekiston Karlar jamiyatining "Buxoro o‘quv-ishlab chiqarish korxonasi";
👉2-o‘rin — O‘zbekiston Nogironlar jamiyatining “Mehr vodiysi”;
👉3-o‘rin — O‘zbekiston Ko‘zi ojizlar jamiyatining “Ezgu niyat o‘quv-ishlab chiqarish korxonasi”ga nasib etdi.
G‘oliblar Kambag‘allikni qisqartirish va bandlik vazirligi tomonidan sertifikat, pul mukofoti hamda qimmatbaho sovg‘alar bilan taqdirlandi.