Toshkent shahar Bandlik boshqarmasi to‘g‘risida NIZOM

I.     Umumiy qoidalar

1.    Ushbu Nizom O‘zbekiston Respublikasi Prezidentining “Mehnat organlari tuzilmasini takomillashtirish va fuqarolarning Mehnat huquqlarini himoya qilish hamda mehnatini muhofaza qilish tizimini mustahkamlash chora-tadbirlari to‘g‘risida” 2018-yil 20-avgustdagi PK-3913-son qarori hamda Vazirlar Mahkamasining “O‘zbekiston Respublikasi Bandlik va Mehnat munosabatlari vazirligi faoliyatini takomillashtirish chora-tadbirlari to‘g‘risida”gi 2018-yil 31-dekabrdagi 1066-son qarori asosida ishlab chiqilgan bo‘lib, Toshkent shahar Bandlik boshqarmasi (keyingi o‘rinlarda - boshqarma deb ataladi) maqomi, vazifalari, funksiyalari, vakolatlari va faoliyatining tashkiliy asoslarini belgilab beradi.

2.   Boshqarma o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qaror va farmoyishlariga, O‘zbekiston Respublikasi Bandlik va Mehnat munosabatlari vazirligining buyruqlari va normativ- huquqiy hujjatlariga, Toshkent shahar hokimligining farmoyishi, qarorlari va normativ-huquqiy hujjatlariga, shuningdek ushbu Nizomga amal qiladi.

3.    Boshqarma O‘zbekiston Respublikasi Bandlik va Mehnat munosabatlari vazirligining (keyingi o‘rinlarda - Vazirlik deb ataladi) tashkiliy tizimi bo‘lib, O‘zbekiston Respublikasi Bandlik va Mehnat munosabatlari vazirligiga hamda tegishliligi bo‘yicha Toshkent shahar hokimligiga bo‘ysunadi va hisobot beradi.

4. Boshqarma tizimiga kuyidagilar kiradi:

—Boshqarma apparati;

—tuman Aholi bandligiga ko‘maklashish markazlari;

—ishsiz va band bo‘lmagan aholini kasb-hunarga o‘qitish hududiy markazlari hamda kasb-hunar kollejlari kiradi.

5.    Boshqarma uz vazifalari va funksiyalarini amalga oshirishda davlat boshqaruvining boshqa organlari hududiy tuzilmalari, tuman hokimliklari va boshqa tashkilotlar bilan o‘zaro hamkorlik qiladi.

6.    Boshqarma yuridik shaxs hisoblanadi, O‘zbekiston Respublikasi Davlat gerbi tasviri tushirilgan va uz nomi yozilgan muhrga, mustaqil balansga, banklarda hisob raqamlariga eta buladi.

II.     Boshqarmaning vazifalari va funksiyalari

7.    Kuyidagilar Boshqarmaning vazifalari va faoliyati yo‘nalishlari hisoblanadi:

—O‘zbekiston Respublikasi Bandlik va mehnat munosabatlari vazirligiga yuklangan vazifalar va funksiyalarning samarali bajarilishini taʼminlashda ishtirok etish;

—Toshkent shahar xokimi, tuman hokimlari, hududiy prokuratura, ichki ishlar organlari va davlat solik xizmati rahbarlari tomonidan rahbarlik qilinadigan kompleks ijtimoiy-iqtisodiy rivojlantirish sektorlari (keyingi o‘rinlarda ijtimoiy-iqtisodiy rivojlantirish sektorlari deb ataladi) bilan hamkorlikni amalga oshirish;

—Aholi bandligi, mehnatni muhofaza qilish va mehnat migratsiyasi sohasidagi va bosh boshqarma vakolatiga kiradigan boshqa masalalarga doir qonun hujjatlariga, normativ hujjatlarga rioya etish yuzasidan monitoring va nazorat olib borish;

—tuman Aholi bandligiga ko‘maklashish markazlari va idora bo‘ysunuvidagi  tashkilotlarda axborot-kommunikatsiya texnologiyalarini joriy etish;

—ishga joylashtirish, o‘qitish va malaka oshirish, malakani baholash xizmatlari uchun davlat buyurtmasini shakllantirish bo‘yicha tuman Aholi bandligiga ko‘maklashish markazlari faoliyatini muvofiqlashtirish hamda tahlil qilish;

—kovorking-markazlar tashkil etish va ularni saqlab turish moliyalashtirilishini tashkil qilish bo‘yicha tuman Aholi bandligiga ko‘maklashish markazlari faoliyatini muvofiqlashtirish;

—tuman Aholi bandligiga ko‘maklashish markazlarida va idora bo‘ysunuvidagi tashkilotlarda moliya nazoratini tashkil etish va amalga oshirish.

8.    Boshqarma o‘ziga yuklangan vazifalarga muvofiq kuyidagi funksiyalarni amalga oshiradi:

—Toshkent shahar bandlik bosh boshqarmasi faoliyatini tashkiliy va axborot-tahliliy jihatdan taʼminlaydi hamda unga rahbarlik qiladi;

—O‘zbekiston Respublikasi qonunlarining, O‘zbekiston Respublikasi Oliy Majlisi palatalari qarorlarining, O‘zbekiston Respublikasi Prezident farmonlari, qarorlari va farmoyishlarining, O‘zbekiston Respublikasi Vazirlar Mahkamasi qarorlari va farmoyishlarining hamda O‘zbekiston Respublikasi Bandlik va Mehnat munosabatlari vazirligi buyruqlarining, Toshkent shahar hokimligi qaror va farmoyishlarining va boshqa normativ huquqiy hujjatlarning tuman Aholi bandligiga ko‘maklashish markazlari, idora bo‘ysunuvidagi tashkilotlar tomonidan bajarilishini tizimli nazorat qiladi;

—tuman Aholi bandligiga ko‘maklashish markazlari, idora bo‘ysunuvidagi tashkilotlar tomonidan kiritiladigan hujjatlarning sifatli va uz vaqtida ishlab chiqilishini, ularning iqtisodiy, moliyaviy va huquqiy ekspertizasi o‘tkazilishini tashkil etadi;

—tuman Aholi bandligiga ko‘maklashish markazlari, idora bo‘ysunuvidagi tashkilotlar faoliyatiga rahbarlik qiladi, ularni muvofiqlashtiradi va nazorat qiladi;

—aholini ishga joylashtirish sohasida xizmatlar ko‘rsatish yuzasidan faoliyat olib boruvchi yuridik shaxslar bilan hamkorlik qiladi;

—tuman Aholi bandligiga ko‘maklashish markazlari va idora bo‘ysunuvidagi tashkilotlarda moliyaviy nazoratni tashkil etadi va amalga oshiradi;

—aholini ish bilan taʼminlash hududiy dasturlari bajarilishi monitoringini olib borish, band bo‘lmagan aholiga davlat xizmatlarini ko‘rsatish, ijtimoiy himoya qilish, Mehnat munosabatlari va mehnatni muhofaza qilish bo‘yicha tuman Aholi bandligiga ko‘maklashish markazlari, idora bo‘ysunuvidagi tashkilotlar hatti-harakatlarini muvofiqlashtiradi;

—ishga joylashtirish, o‘qitish va malakani baholash xizmatlariga bo‘lgan davlat buyurtmasini shakllantirish, moliyalashtirish va amalga oshirish, keyinchalik tegishli ravishda xususiy bandlik agentliklari, ishsizlar va band bo‘lmagan aholini o‘qitish markazlari hamda malakani baholash markazlariga xax tulash bo‘yicha tuman Aholi bandligiga ko‘maklashish markazlari hatti- harakatlarini muvofiqlashtiradi;

—kovorking-markazlarni tashkil etish bo‘yicha tuman Aholi bandligiga ko‘maklashish markazlari takliflarini umumlashtiradi, shuningdek ularni saqlab turishning moliyalashtirilishini tashkil etadi;

—tuman       Aholi     bandligiga        ko‘maklashish        markazlari      va       idora

—bo‘ysunuvidagi tashkilotlarning moddiy-texnik taʼminotini tashkil etadi;

—tuman        Aholi     bandligiga        ko‘maklashish        markazlari      va       idora

—bo‘ysunuvidagi tashkilotlar binolari va inshootlaridan joriy foydalanish bo‘yicha ishlar monitoringini o‘tkazadi va muvofiqlashtiradi;

—jismoniy va yuridik shaxslar murojaatlari bilan ishlarni tashkil etadi;

—kooperativ, tashkiliy, kadrlar, moliyaviy, ishlab chiqarish va u3 vakolatiga kiradigan boshqa masalalar yuzasidan qaror (buyruq)lar qabul qiladi;

—qonun hujjatlarida nazarda tutilgan boshqa funksiyalarni amalga oshiradi.

Boshqarma o‘ziga yuklangan vazifalar va funksiyalarning bevosita uzi tomonidan, shuningdek hududiy Aholi bandligiga ko‘maklashish markazlari va boshqa idoraviy mansub tashkilotlar orqali bajarilishini taʼminlaydi.