“Конституция – адолат тантанаси” мавзусида маънавий-маърифий тадбир ўтказилди

2025-12-04

Бошқарув самарадорлиги агентлигининг Тошкент шаҳар филиали ташаббуси ва Тошкент давлат иқтисодиёт университети ҳамкорлигида “Конституция – адолат тантанаси” мавзусидаги маънавий-маърифий тадбир бўлиб ўтди.

Тадбирда давлат фуқаролик хизматчилари, “Салоҳиятли ва истиқболли кадрлар захираси”га тавсия этилган номзодлар, профессор-ўқитувчилар ҳамда битирувчи талабалар иштирок этди.

Тадбирни ТДИУ проректори, и.ф.д. Камила Каримова очиб бериб, Конституциянинг сиёсий, иқтисодий ва ижтимоий барқарорликни таъминлашдаги юксак ўрни ҳақида сўз юритди.

📚 Маърузалар давомида Конституциянинг замонавий мазмуни ва аҳамияти ёритилди:

— Конституциявий суд судьяси Жанагул Балкибаэва — “Конституция – давлат хизматида қонун устуворлигини таъминловчи муҳим ҳужжат”;

— Конституциявий суд судьяси Каромат Давлетова — “Ўзбекистон Республикаси Конституцияси: аҳамияти, ривожланиши ва замонавий ислоҳотлар”;

— Конституциявий суд судьяси Акмал Раҳмонов — “Конституция — давлатнинг асосий қонуний ҳужжати”;

— Бошқарув самарадорлиги агентлигининг Истиқболли кадрлар селекцияси бошқармаси бошлиғи Фарангиз Авазбекова — “Давлат фуқаролик хизматига кириш ва хизмат ўташнинг конституциявий-ҳуқуқий кафолатлари” мавзуларида маърузалар қилишди.

💬 Тадбир давомида иштирокчилар ўзларини қизиқтирган саволлар бўйича Конституциявий суд вакиллари ва мутахассисларидан батафсил жавоб олдилар.