Rasmiy munosabat

2025-06-19

МОФ-3 қурилишида ишлаб ойлик иш ҳақини ололмаётганлик тўғрисидаги хабар тарқалган эди. Ўзбекистон Республикаси Камбағалликни қисқартириш ва бандлик вазирлиги Давлат меҳнат инспекцияси томонидан Тошкент вилояти Олмалиқ шаҳридаги 3-мисни бойитиш фабрикаси қурилишида ишлаётган ишчиларнинг олти ойлик иш ҳақларини тўланиши бўйича белгиланган тартибда ўрганиш ўтказилди. Ўрганиш натижаси бўйича Энтер энгинеэринг Пте ЛТД томонидан ходимларга кечиктирилган 27,6 миллиард сўмлик иш ҳақларини тўлаб берилиши таъминланди. Бундан ташқари, юзага келган қарздорликни тўлиқ бартараф қилиш ва келгусида ходимларга иш ҳақларини ўз муддатида тўлаш бўйича иш берувчига ёзма кўрсатма киритилди.