#Mehnat_huquqi

2026-02-09

🔗 Меҳнат кодексининг 531–532-моддаларига кўра, ҳар бир ходим ўз ҳаёти, соғлиғи ва шаънини ҳимоя қилиш ҳуқуқига эга. Бу — қонуний кафолатланган ҳуқуқ.

🔻Ходим қачон ишни рад этиши мумкин❓

Ходим ўзини ўзи ҳимоя қилиш мақсадида қуйидаги ҳолатларда ишни бажаришни рад этишга ҳақли:

❌ Ҳаёти ва соғлиғига бевосита хавф туғдирувчи ишларда

❌ Меҳнат шартномасида назарда тутилмаган ишлар талаб қилинганда

❌ Қонунга хилоф топшириқ берилганда

❌ Ўзи ёки бошқаларнинг шаъни, қадр-қиммати ва ишчанлик обрўйига путур етказадиган ҳаракатлар талаб этилганда

❗️Бунда ходим иш берувчини ёки бевосита раҳбарини ёзма равишда хабардор қилиши керак.

‼️Муҳим кафолат

Бундай хавфли ёки қонунга хилоф ҳолатлар бартараф этилгунга қадар:

Ходим ишни рад этган вақтида ҳам барча меҳнат ҳуқуқларини сақлаб қолади.

Унга нисбатан жазо қўллаш мумкин эмас

❌ Иш берувчига тақиқ

Қонунга кўра:

Иш берувчи ходимнинг ўзини ўзи ҳимоя қилишига тўсқинлик қилишга ҳақли эмас

Ходимни қонуний рад этиш учун таъқиб қилиш тақиқланади

🧠 Хулоса:

Ходимнинг хавфсиз меҳнат қилиш ҳуқуқи — устувор. Агар иш ҳаёт ёки соғлиққа хавф туғдирса, қонун ходим томонида.